Kirineliye Wedagedara

කිරිනැළියේ
    වෙදගෙදර

අප ගැන

දුටුගැමුණු රජසමයේ සිට පාරම්පරිකව උරුම වූ වෙදශාස්ත්‍රය

Home

About Us

කිරිනැළිය වෙද පරපුරේ ඉතිහාසය

දුටුගැමුණු රජතුමා අනුරාධපුර යුද්ධයෙන් පැරදී රුහුණට ආ පසු, රුහුණේ සිටි කාලය තුළ නෑබිලියට කිරි දී පිරිස පෝෂණය කළ නිසා ක්‍රි.පූ 149 දී දුටුගැමුණු රජතුමා රජ වූ පසු කෘතගුණ සැලකීමක් ලෙස කිරිනැළිය නමින් ගම්වරයක් වෙදරාළට ප්‍රදානය කරන ලදී. එතැන් සිට කිරිනැළියේ වෙදරාළගෙන් පැවත එන වෙද පරම්පරාව අපගේ කිරිනැළියේ වෙද පරම්පරාවයි.

එදා සිට පැවත එන කිරිනැළියට සුවිශේෂ වෙදකම වන ගෙඩි වන පිළිකා හා විදුම් පිළිස්සුම් ප්‍රතිකාර, පාරම්පරික වෙද ශාස්ත්‍රය, ඖෂධ වට්ටෝරු, ජ්‍යෝතිෂය, භූත විද්‍යාව, යන්ත්‍ර මන්ත්‍ර, ශාන්ති කර්ම පිළිබද විශිෂ්ට දැනුම් සම්ප්‍රදායෙන් හා ජන විඥාණයෙන් ප්‍රගුණව පවත්වාගෙන යනු ලබයි.

එලෙස පාරම්පරිකව ලැබුණු දැණුමෙන් ප්‍රගුණව ආරියරත්න වඩුගේ වෙදමහතා විසින් ස්ථාපිත කළ පස්යාල කිරිනැළියේ වෙදගෙදර ක්‍රි.ව 1995 සිට අද දක්වා රෝගීන් 30000 අධික ප්‍රමාණයකට ප්‍රතිකාර කර ඇත

පස්යාල කිරිනැළියේ වෙදගෙදර සුවිශේෂත්වය

මානසික පිඩනයකින් හෝ බියකින් පැමිණෙන රෝගීන්ට ශාන්ති කර්ම මගින් රෝග ප්‍රතිකාරවලට පෙර යම්කිසි මානසික සුවයක් ලබාදීම.

රෝගියෙකු දොරෙන් ඇතුල්වන අවස්ථාවේ සිට රෝග නිර්ණය ආරම්භ කර රෝගියාගේ බුලත් අතත් සමග තත්කාල කේන්ද්‍රය බලා දසරුවෙන් හා දූත ලක්ෂණ අනුව කරනු ලබන රෝග පරීක්ෂාව.

රෝග නිර්ණයේ සිට ප්‍රතිකාර කිරීම සහ ඖෂධ සකස්කිරීම දක්වා සියලුම සේවාවන් එකම වෙදමහතාගෙන්.

කිරිනැළියේ වෙද පරම්පරාවට අවේනික විශේෂිත තෙල් වර්ග. කිරිනැළියේ කැඩුම් බිදුම් තෙල, කිරිනැළියේ ගස් තෙල, කිරිනැළියේ සන්දි තෙල, කිරිනැළියේ කළු කුමාර තෙල,මහා දිව්‍යාංගනාදි තෙල, මහා සන්නි රාජ තෙල, කුද්දුස් තෙල, මහා විෂ්ණුරාජ තෙල, මහා බුද්ධරාජ තෙල, මහා දේවරාජ තෙල, මහා ඉරුදැපනය තෙල, මහා රාජතරංගණී තෙල ආදි මහා බලගතු තෙල් බෙහෙත් වර් ග පරම්පරාවට ආවේනික ශාස්ත්‍රානුකූලව හා චාරිත්‍ර විධි අනුව සකස් කරන ලද ඖෂධ.

රෝගියා වෙනුවෙන්ම සාදන විශේෂිත ඖෂධ.

පාරම්පරිකව පැවත එන ජ්‍යෝතිෂ්‍ය, භූත විද්‍යාව, යන්ත්‍ර මන්ත්‍ර, ශාන්ති කර්ම පිළිබද විශිෂ්ට දැනුම හා අවබෝධය.

සාම්ප්‍රදායික ක්‍රමවේදයන් අනුව නිසි අයුරින් වත් පිළිවෙත් ඉටුකර සියලුම ඖෂධ සකස් කිරීම.

ඕනෑම ආගමක රෝගියෙකුට කිරිනැළියේ වෙදගෙදර දේශීය ප්‍රතිකාර ලබා ගැනීමට ඇති හැකියාව.